قمت الصبح طبعا مش مصدق نفسي ان انا كنت نايم في بيتي اخيرا تاني وسط اهلي بعد المبيت اللي خدته امبارح... قمت جهزت وفطرت بسرعة عشان الحق اروح قبل معادي قبل مالدنيا تتزحم والشرطة العسكرية مايبقاش شغلانة غيرنا....
نزلت من البيت وخدت تاكسي باحترامي عشان العملية تمشي سلسة.... ووصلت بالتاكسي بعد دردشة حارة مع السواق عن ذكرياته مع الجيش وحكاياته واحلي ايام جيشه اللي قضاها... المهم قربنا من البوابة ومن بعيد بدا المنظر غير مطمئن... هاتسالوا ليه.. هاقولكم لاني شفت اللي ماكنتش احب شوفه... ليه ؟!!؟ عشان المنحوس منحوس والله... اللي شفته كان عبارة عن كمبية كبيرة من عساكر الشرطة العسكرية متنطورين في كل حتة حولين البوابة وعربية البوكس اللي كان بيتحكي لي عنها بتاعة الشرطة العسكرية اللي بيلموا فيها العساكر الغلابة عشان يعملوا بيهم اي مصلحة !!!
المهم رحت قايل لسواق التاكسي: بس هنا ياعم ماتدخلش اكتر من كده ليفتكروا اني بتعنطز عليهم..
السواق: ربنا معاك يابني...
انا: ادعي لينا ياحج..
نزلت من التاكسي حاسبته ولسه بلف حسيت ان كل عساكر الشرطة بتبص لي مش عارف !!! احساس انك حرامي واتقفشت.. عارفين الاحساس ده...!؟!؟ هو ده اللي كان عندي ساعتها... المهم عملت فيها عبيط ومابصتش لحد منهم.. وطبعا قعدت استرجع التنبيهات اللي سمعتها امبارح عن ان لو حد منهم ندي عليك وقالك ماتخافش ماترحلوش عشان هاياخدك هاياخدك... طبعا رحت منفذ الكلام ده كله بحذافيره.... ويارتني مانفذته... المنظر كان كالاتي... انا داخل علي البوابة بمد ورائد شرطة عسكرية شايفني وانا جاي من بعيد وباصص لي واول ماقربت راح مشاور لي عشان اروح له...
تخيلوا بقي انا عملت ايه !!!! مش ممكن توصلوا طبعا للي انا عملته عشان انا بضحك علي نفسي لحد دلوقتي علي اللي انا عملته... روحت مطلع له اذن المبيت وضحكت له ونفضت وعديته...
الرائد: خد ياعسكري
انا وانا بنفض ولسه في اتجاهي للبوابة: الاذن اهو يافندم وهاسلمه جوا
الرائد: طب خد ياعسكري هنا
انا عديت الرائد خلاص ونفضت له تماما... 3 ثواني بالظبط وحسيت ان فيه ناس بتجري واريا لقيت عسكرين حلوين كده جاي ورايا...
العسكريين: انت ماشي ومابتردش علي الرائد ليه ياعسكري... انت بتستهبل ياعسكري..
انا: لا حضرتك اصل معايا الاذن وداخل اسلمه الوحدة بتاعتي خلاص !!!!
العسكريين: تسلم ايه ده انت ليلتك طين.... تعالي معايا لحضرة الرائد....
انا في سري: هو اليوم باين من اوله !! ياتري مين اللي باصص لي في المبيت !!!
الرائد: انت مابتردش عليا ليه ياعسكري ؟؟!!
انا مبررا موقفي اللي زي الزفت طبعا: عادي يافندم اصل انا كده كده داخل الوحدة ومعايا الاذن هاسيبه هناك...
الرائد: كده كده داخل الوحدة ؟!!؟ فين اذنك!؟؟!
انا: اهو اتفضل يافندم...
الرائد: مممممم طيب شايف بقي العربية اللي هناك دي!!؟
انا: ليه يافندم!؟!؟
الرائد: من غير ليه!!! شايفها !!
انا: ايوة يافندم
الرائد: روح اركب بقي هناك واستناني...
انا: ليه طيب يافندم والله انا ماكنش قصدي حاجة... اصل انا اول مرة انزل والله امبارح ولسه ماعرفش القواعد
الرائد: روح اتضفل في العربية زي مابقولك ياجندي...
رحت طبعا وركبت العربية وانا عمال ابص له وانا عيني في عنيه عشان يفهم.. يمكن يقدر واحد زي حالاتي لسه اول مرة ينزل ومش فاهم حاجة.. لكن لا حياة لمن تنادي ....وبعد 10 دقايق مابدهاش.. لازم انزل بدل ماكده هاروح في داهية.. لازم انزل اكلمه يمكن يقتنع...
انا: ممكن تسمعني يافندم
الرائد: عايز ايه!؟!؟
انا: يافندم انا اول مرة انزل وماعرفش اي حاجة في حكاية اني اسلم الاذن ده لحضرتك...
الرائد: انت دفعة كام؟!؟!
انا: انا دفعة 10 يافندم...
الرائد: مممم انتوا جيتوا امتي ؟!!؟
انا: احنا جينا هنا الوحدة بقالنا اسبوع يافندم..
الرائد: ممممم... طب روح اركب العربية...
رجعت تاني طبعا علي العربية..... وهو راح عشان يلقط زباين تانيين يركبوا معايا العربية!!! وطبعا انا اتجننت... والحمد لله لولا ستر ربنا ان انا في اليوم كان معايا الموبايل.. كنت مكمره وواخده معايا عشان كنت حاسس ان حاجة زي دي ممكن تحصل.... والله قلب المؤمن دليله.. المهم العربية فاضية... والرائد مشغول بتلقيط زباين... طيب انا اعمل ايه بقي عشان اي حد ينقذني!!؟!؟ وماينفعش اطلعه واتكلم... ياما يجيب لنا مصيبة تانية ساعتها...!! يبقي مافيش غير حل واحد.. الرسايل القصيرة.. مش هاتتحل غير كده....
رحت مطلع الموبايل في الخباثة وباعت رسالة لاخويا (حد يلحقني ويكلم اي حد انا اتمسكت) بس هو ده كان نص الرسالة اللي بعتها لاخويا عشان اي حد عندي في البيت يتصرف ويكلم اي حد قبل ماالعملية تكبر وماحدش يعرف لي طريق جره...
بصيت حوليا بعد كده عشان اشوف الرائد مالقتهوش ولقيت ان الساعة بقيت 8 وهوب ولقيت الدنيا اتفزعت ورئيس المنطقة العكسرية اللي احنا فيها اساسا جيه عشان عامل تفتيش بنفسه... مش بقولكم اليوم باين من اوله !!! شوية كده ولقيت العسكري جاي بينده لي...
العكسري: تعالي كلم سعادة العقيد
انا: عقيد مين
العكسري: سيادة العقيد جمال رئيس الـ ..............
بلعت ريقي طبعا ونزلت من العربية مع العسكري ودخلني المكتب عشان الاقي واحد قدامي ولا جسم فريد شوقي كده ووشه تحس انه هايرتكب جناية علي الصبح!! وجنبه سعادة البيه الرائد
العقيد: ايه ماله الجندي ده ياسيادة الرائد عمل ايه !؟!؟
الرائد: تخيل حضرتك يافندم بنادي عليه وهو داخل البوابه بيسبني ويمشي ولا كانني موجود...
العقيد: ايه؟!؟! سابك ومشي!!!! (وفيه عنيه شرار بص لي وراح خابط علي المكتب بايده خبطة سمعت المنطقة كلها) متسائلا.. انت مابتردش علي سيادة الرائد ليه ياجندي؟!؟!
انا: والله يافندم دي اول مرة ليا وانا لسه نازل اول يوم مبيت امبارح ولسه راجع النهاردة فمعرفش القواعد !!
العقيد: نازل ايه ياخويا !! مبيت ياسيادة...... مافيش مبيت للمنطقة كلها بعد كده تاني... تمنع اجازات المبيت في المنطقة كلها فاهم!!؟!؟.. (وراح باصص لي تاني) بقي انت ماكنتش تعرف انه لما ينادي عليك تقف له!!!
انا: والله ماعرف يافندم !! طيب انا اايه اللي هايخليني اعمل كده طيب !!!
ياعسكري: خده علي السجن لحد لما يبقي يعرف !!!
انا بقي كنت وضلت خلاص مرحلة الانهيار الجسدي هنا وخلاص بقي قلت خربانة خربانة.. هاعمل ايه اكتر من كده مادام ماحدش عايز يصدقني ولا يراعي ظروف ان دي اول مرة ليا !!! فرحت ومشيت مع العسكري للسجن ودخلت وهو قعد يطمني ساعتها لانه استغرب من سكوتي بعد ماكنت عمال اقنع فيهم...
العسكري: ولا يهمك... كلها 3-4 ساعات وتطلع تاني.. هو بس بيبقي مزعبب كده اول مابيبق جاي الصبح..
انا: ربنا يسهل بقي انا مش عارف اعمل ايه انا كنت خايف عشان الكلام اللي كان بيتقاللي قبل كده عن الشرطة العسكرية ومصايبها...
العسكري: ماتقلقش.. كلها 3-4 ساعات زي مابقولك وتخرج تروح وحدتك تاني
دخلت طبعا وانا مش مصدق اللي حصل ده كله !!!! ان اول يوم انزل فيه مبيت يحصل كل ده!!! لا وايه وكان نتيجته ان اتمنع المبيت كله في المنطقة !!!! عشان انا ماردتش اقف لسيادة الرائد الله يكرمه... يعني باظت من كل حتة وضاع كل اللي انا عملته في الوحدة عشان اوصل لاني اخذ اجازات المبيت دي.......
شوية ولقيت التليفون اللي انا مكمره بيرن !!! يادي الحوسة طيب اعمل ايه دلوقتي وارد ازاي !!! ده اكيد حد من البيت عايز يعرف ايه اللي حصل بعد الرسالة اللي انا بعتها.... المهم سالت عسكري اني عايز اخش الحمام وهناك رحت قافل علي نفسي وطلعت الموبايل ولقيته ابويا..
ابويا: ايه يابني اللي حصل!؟!
انا: اللي حصل............. وانا مش عارف اعمل ايه!!
ابويا: طيب خلاص انا كلمت لك المقدم .......... وهو هايتصرف دلوقتي.... ماتقلقش...
انا: ربنا يستر بقي... يلا سلام عشان ماحدش يحس وتبقي تهمة تانية!!!! يبقي موبايل وتنفيض في يوم واحد...
وخلصت المكالمة واستنيت ساعتها حوالي بتاع نص ساعة لحد ماكانت وصلت الاتصالات اللي عملها ابويا عشان نخرج من المخروب ده.... والحمد لله خرجت بعدها وكنت في وحدتي الساعة 9 ونص كده تقريبا.. لقيت بقي العساكر هناك كله عمال يسالني انت عملت ايه !؟!؟ انت لحقت !؟!؟ ده انت لسه اول يوم..... روح شوف بقي المقدم وائل عايزك !!!
انا في سري: يادي النيلة !! هو عايز ايه ده كمان !!! ربنا يستر
وبعد ماوصلت للمقدم وائل سالني: انت عملت ايه يابني !؟! ايه اللي حصل!؟!؟
انا في محاولة تشويش عشان انا لو قلتله ان الرائد ندي لي وانا نفضت له هاتبقي مسخره !!! قلتله اي كلام ساعتها... عشان ابين ان انا مظلوم من غير مانخش في تفاصيل واقوله ان الناس القديمة المستدعاة هي اللي قالت لي اني ابعد عن اي حد شرطة عسكرية عشان ماودونيش في داهية....
المهم ساعتها المقدم وائل قاللي: غريبة جدا.. هي فيه ناس كده... اديك منعت المبيت في المنطقة كلها..
انا: طيب اعمل ايه انا يافندم انا ذنبي ايه؟!؟! منحوس !!
المقدم وائل: طيب روح يلا علي مكتبك خلينا نشوف شغلنا بقي...
ورحت علي المكتب وانا مش مصدق اني طلعت من مصيبة الشرطة العسكرية دي علي خير الحمد لله... لكن تبقي مشكلة المبيت بس مش مهم المهم ان قصه الشرطة دي اتحلت وخلاص...
وكانت دي اوي حكاية لي واول مغامرة لي مع الجيش.....
نزلت من البيت وخدت تاكسي باحترامي عشان العملية تمشي سلسة.... ووصلت بالتاكسي بعد دردشة حارة مع السواق عن ذكرياته مع الجيش وحكاياته واحلي ايام جيشه اللي قضاها... المهم قربنا من البوابة ومن بعيد بدا المنظر غير مطمئن... هاتسالوا ليه.. هاقولكم لاني شفت اللي ماكنتش احب شوفه... ليه ؟!!؟ عشان المنحوس منحوس والله... اللي شفته كان عبارة عن كمبية كبيرة من عساكر الشرطة العسكرية متنطورين في كل حتة حولين البوابة وعربية البوكس اللي كان بيتحكي لي عنها بتاعة الشرطة العسكرية اللي بيلموا فيها العساكر الغلابة عشان يعملوا بيهم اي مصلحة !!!
المهم رحت قايل لسواق التاكسي: بس هنا ياعم ماتدخلش اكتر من كده ليفتكروا اني بتعنطز عليهم..
السواق: ربنا معاك يابني...
انا: ادعي لينا ياحج..
نزلت من التاكسي حاسبته ولسه بلف حسيت ان كل عساكر الشرطة بتبص لي مش عارف !!! احساس انك حرامي واتقفشت.. عارفين الاحساس ده...!؟!؟ هو ده اللي كان عندي ساعتها... المهم عملت فيها عبيط ومابصتش لحد منهم.. وطبعا قعدت استرجع التنبيهات اللي سمعتها امبارح عن ان لو حد منهم ندي عليك وقالك ماتخافش ماترحلوش عشان هاياخدك هاياخدك... طبعا رحت منفذ الكلام ده كله بحذافيره.... ويارتني مانفذته... المنظر كان كالاتي... انا داخل علي البوابة بمد ورائد شرطة عسكرية شايفني وانا جاي من بعيد وباصص لي واول ماقربت راح مشاور لي عشان اروح له...
تخيلوا بقي انا عملت ايه !!!! مش ممكن توصلوا طبعا للي انا عملته عشان انا بضحك علي نفسي لحد دلوقتي علي اللي انا عملته... روحت مطلع له اذن المبيت وضحكت له ونفضت وعديته...
الرائد: خد ياعسكري
انا وانا بنفض ولسه في اتجاهي للبوابة: الاذن اهو يافندم وهاسلمه جوا
الرائد: طب خد ياعسكري هنا
انا عديت الرائد خلاص ونفضت له تماما... 3 ثواني بالظبط وحسيت ان فيه ناس بتجري واريا لقيت عسكرين حلوين كده جاي ورايا...
العسكريين: انت ماشي ومابتردش علي الرائد ليه ياعسكري... انت بتستهبل ياعسكري..
انا: لا حضرتك اصل معايا الاذن وداخل اسلمه الوحدة بتاعتي خلاص !!!!
العسكريين: تسلم ايه ده انت ليلتك طين.... تعالي معايا لحضرة الرائد....
انا في سري: هو اليوم باين من اوله !! ياتري مين اللي باصص لي في المبيت !!!
الرائد: انت مابتردش عليا ليه ياعسكري ؟؟!!
انا مبررا موقفي اللي زي الزفت طبعا: عادي يافندم اصل انا كده كده داخل الوحدة ومعايا الاذن هاسيبه هناك...
الرائد: كده كده داخل الوحدة ؟!!؟ فين اذنك!؟؟!
انا: اهو اتفضل يافندم...
الرائد: مممممم طيب شايف بقي العربية اللي هناك دي!!؟
انا: ليه يافندم!؟!؟
الرائد: من غير ليه!!! شايفها !!
انا: ايوة يافندم
الرائد: روح اركب بقي هناك واستناني...
انا: ليه طيب يافندم والله انا ماكنش قصدي حاجة... اصل انا اول مرة انزل والله امبارح ولسه ماعرفش القواعد
الرائد: روح اتضفل في العربية زي مابقولك ياجندي...
رحت طبعا وركبت العربية وانا عمال ابص له وانا عيني في عنيه عشان يفهم.. يمكن يقدر واحد زي حالاتي لسه اول مرة ينزل ومش فاهم حاجة.. لكن لا حياة لمن تنادي ....وبعد 10 دقايق مابدهاش.. لازم انزل بدل ماكده هاروح في داهية.. لازم انزل اكلمه يمكن يقتنع...
انا: ممكن تسمعني يافندم
الرائد: عايز ايه!؟!؟
انا: يافندم انا اول مرة انزل وماعرفش اي حاجة في حكاية اني اسلم الاذن ده لحضرتك...
الرائد: انت دفعة كام؟!؟!
انا: انا دفعة 10 يافندم...
الرائد: مممم انتوا جيتوا امتي ؟!!؟
انا: احنا جينا هنا الوحدة بقالنا اسبوع يافندم..
الرائد: ممممم... طب روح اركب العربية...
رجعت تاني طبعا علي العربية..... وهو راح عشان يلقط زباين تانيين يركبوا معايا العربية!!! وطبعا انا اتجننت... والحمد لله لولا ستر ربنا ان انا في اليوم كان معايا الموبايل.. كنت مكمره وواخده معايا عشان كنت حاسس ان حاجة زي دي ممكن تحصل.... والله قلب المؤمن دليله.. المهم العربية فاضية... والرائد مشغول بتلقيط زباين... طيب انا اعمل ايه بقي عشان اي حد ينقذني!!؟!؟ وماينفعش اطلعه واتكلم... ياما يجيب لنا مصيبة تانية ساعتها...!! يبقي مافيش غير حل واحد.. الرسايل القصيرة.. مش هاتتحل غير كده....
رحت مطلع الموبايل في الخباثة وباعت رسالة لاخويا (حد يلحقني ويكلم اي حد انا اتمسكت) بس هو ده كان نص الرسالة اللي بعتها لاخويا عشان اي حد عندي في البيت يتصرف ويكلم اي حد قبل ماالعملية تكبر وماحدش يعرف لي طريق جره...
بصيت حوليا بعد كده عشان اشوف الرائد مالقتهوش ولقيت ان الساعة بقيت 8 وهوب ولقيت الدنيا اتفزعت ورئيس المنطقة العكسرية اللي احنا فيها اساسا جيه عشان عامل تفتيش بنفسه... مش بقولكم اليوم باين من اوله !!! شوية كده ولقيت العسكري جاي بينده لي...
العكسري: تعالي كلم سعادة العقيد
انا: عقيد مين
العكسري: سيادة العقيد جمال رئيس الـ ..............
بلعت ريقي طبعا ونزلت من العربية مع العسكري ودخلني المكتب عشان الاقي واحد قدامي ولا جسم فريد شوقي كده ووشه تحس انه هايرتكب جناية علي الصبح!! وجنبه سعادة البيه الرائد
العقيد: ايه ماله الجندي ده ياسيادة الرائد عمل ايه !؟!؟
الرائد: تخيل حضرتك يافندم بنادي عليه وهو داخل البوابه بيسبني ويمشي ولا كانني موجود...
العقيد: ايه؟!؟! سابك ومشي!!!! (وفيه عنيه شرار بص لي وراح خابط علي المكتب بايده خبطة سمعت المنطقة كلها) متسائلا.. انت مابتردش علي سيادة الرائد ليه ياجندي؟!؟!
انا: والله يافندم دي اول مرة ليا وانا لسه نازل اول يوم مبيت امبارح ولسه راجع النهاردة فمعرفش القواعد !!
العقيد: نازل ايه ياخويا !! مبيت ياسيادة...... مافيش مبيت للمنطقة كلها بعد كده تاني... تمنع اجازات المبيت في المنطقة كلها فاهم!!؟!؟.. (وراح باصص لي تاني) بقي انت ماكنتش تعرف انه لما ينادي عليك تقف له!!!
انا: والله ماعرف يافندم !! طيب انا اايه اللي هايخليني اعمل كده طيب !!!
ياعسكري: خده علي السجن لحد لما يبقي يعرف !!!
انا بقي كنت وضلت خلاص مرحلة الانهيار الجسدي هنا وخلاص بقي قلت خربانة خربانة.. هاعمل ايه اكتر من كده مادام ماحدش عايز يصدقني ولا يراعي ظروف ان دي اول مرة ليا !!! فرحت ومشيت مع العسكري للسجن ودخلت وهو قعد يطمني ساعتها لانه استغرب من سكوتي بعد ماكنت عمال اقنع فيهم...
العسكري: ولا يهمك... كلها 3-4 ساعات وتطلع تاني.. هو بس بيبقي مزعبب كده اول مابيبق جاي الصبح..
انا: ربنا يسهل بقي انا مش عارف اعمل ايه انا كنت خايف عشان الكلام اللي كان بيتقاللي قبل كده عن الشرطة العسكرية ومصايبها...
العسكري: ماتقلقش.. كلها 3-4 ساعات زي مابقولك وتخرج تروح وحدتك تاني
دخلت طبعا وانا مش مصدق اللي حصل ده كله !!!! ان اول يوم انزل فيه مبيت يحصل كل ده!!! لا وايه وكان نتيجته ان اتمنع المبيت كله في المنطقة !!!! عشان انا ماردتش اقف لسيادة الرائد الله يكرمه... يعني باظت من كل حتة وضاع كل اللي انا عملته في الوحدة عشان اوصل لاني اخذ اجازات المبيت دي.......
شوية ولقيت التليفون اللي انا مكمره بيرن !!! يادي الحوسة طيب اعمل ايه دلوقتي وارد ازاي !!! ده اكيد حد من البيت عايز يعرف ايه اللي حصل بعد الرسالة اللي انا بعتها.... المهم سالت عسكري اني عايز اخش الحمام وهناك رحت قافل علي نفسي وطلعت الموبايل ولقيته ابويا..
ابويا: ايه يابني اللي حصل!؟!
انا: اللي حصل............. وانا مش عارف اعمل ايه!!
ابويا: طيب خلاص انا كلمت لك المقدم .......... وهو هايتصرف دلوقتي.... ماتقلقش...
انا: ربنا يستر بقي... يلا سلام عشان ماحدش يحس وتبقي تهمة تانية!!!! يبقي موبايل وتنفيض في يوم واحد...
وخلصت المكالمة واستنيت ساعتها حوالي بتاع نص ساعة لحد ماكانت وصلت الاتصالات اللي عملها ابويا عشان نخرج من المخروب ده.... والحمد لله خرجت بعدها وكنت في وحدتي الساعة 9 ونص كده تقريبا.. لقيت بقي العساكر هناك كله عمال يسالني انت عملت ايه !؟!؟ انت لحقت !؟!؟ ده انت لسه اول يوم..... روح شوف بقي المقدم وائل عايزك !!!
انا في سري: يادي النيلة !! هو عايز ايه ده كمان !!! ربنا يستر
وبعد ماوصلت للمقدم وائل سالني: انت عملت ايه يابني !؟! ايه اللي حصل!؟!؟
انا في محاولة تشويش عشان انا لو قلتله ان الرائد ندي لي وانا نفضت له هاتبقي مسخره !!! قلتله اي كلام ساعتها... عشان ابين ان انا مظلوم من غير مانخش في تفاصيل واقوله ان الناس القديمة المستدعاة هي اللي قالت لي اني ابعد عن اي حد شرطة عسكرية عشان ماودونيش في داهية....
المهم ساعتها المقدم وائل قاللي: غريبة جدا.. هي فيه ناس كده... اديك منعت المبيت في المنطقة كلها..
انا: طيب اعمل ايه انا يافندم انا ذنبي ايه؟!؟! منحوس !!
المقدم وائل: طيب روح يلا علي مكتبك خلينا نشوف شغلنا بقي...
ورحت علي المكتب وانا مش مصدق اني طلعت من مصيبة الشرطة العسكرية دي علي خير الحمد لله... لكن تبقي مشكلة المبيت بس مش مهم المهم ان قصه الشرطة دي اتحلت وخلاص...
وكانت دي اوي حكاية لي واول مغامرة لي مع الجيش.....
No comments:
Post a Comment